தமிழ்த்திரையுலகில் முன்னணி இயக்குநராக வலம் வரும் லோகேஷ் கனகராஜ், தற்போது ‘டிசி’ திரைப்படத்தின் மூலம் நடிகராக அவதாரமெடுத்துள்ளார்.
இந்த திரைப்படத்தின் புதிய வெளியீட்டுத் திகதியை படக்குழுவினர் உத்தியோகபூர்வமாக அறிவித்துள்ளனர்.
முன்னதாக, இத்திரைப்படம் எதிர் வரும் 31ஆம் திகதி திரையரங்குகளில் வெளியாகும் என அறிவிக்கப்பட்டிருந்தது.
ஆனால், தற்போது சில தவிர்க்க முடியாத காரணங்களால் படத்தின் வெளியீட்டுத் திகதி மாற்றியமைக்கப்பட்டு, ஓகஸ்ட் 7ஆம் திகதி உலகம் முழுவதும் வெளியாகும் என படக்குழுவினர் புதிய அறிவிப்பை வெளியிட்டுள்ளனர்.
இயக்குநர் அருண் மாதேஸ்வரன் இயக்கத்தில் உருவாகியுள்ள இந்த ‘டிசி’ திரைப்படத்தில், லோகேஷ் கனகராஜ் முதன்முறையாக முதன்மை கதாபாத்திரத்தில்நடித்துள்ளார். இதில் அவர் ஒரு அதிக பலம் வாய்ந்த வில்லனாக கதாபாத்திரத்தில் நடித்திருப்பது ரசிகர்களிடையே பெரும் எதிர்பார்ப்பை ஏற்படுத்தியுள்ளது.
மாநகரம்’ திரைப்படத்தின் மூலம் இயக்குநராக அறிமுகமாகி, தொடர்ந்து ‘கைதி’, ‘மாஸ்டர்’, ‘விக்ரம்’, ‘லியோ’ என அடுத்தடுத்து பிளாக்பஸ்டர் வெற்றிகளைக் கொடுத்து தனக்கென ஒரு தனி இரசிகர் பட்டாளத்தையே உருவாக்கியவர் லோகேஷ் கனகராஜ்.
குறிப்பாக இவரது ‘லோகேஷ் சினிமாட்டிக் யூனிவர்ஸ்’ (LCU) இந்திய அளவில் பெரும் கவனத்தைப் பெற்றது.
அண்மையில் சூப்பர் ஸ்டார் ரஜினிகாந்தை வைத்து இவர் இயக்கிய ‘கூலி’ திரைப்படமும் வெளியாகி தற்போதும் இரசிகர்கள் மத்தியில் பேசும்பொருளாக உள்ளது.
