தென்னாப்பிரிக்காவில் சில மணிநேர இடைவெளியில் நடந்த இரண்டு தனித்தனி துப்பாக்கிச் சூடு சம்பவங்களில் 27 பேர் உயிரிழந்துள்ளனர்.
ஜோகன்னஸ்பர்க் மற்றும் கேப் டவுன் ஆகிய நகரங்களுக்கு அருகே நடந்த இச்சம்பவங்களுக்கான காரணங்கள் உடனடியாகத் தெரியவரவில்லை.
உலகில் மிக அதிக அளவிலான தனிநபர் கொலை விகிதங்களில் ஒன்றைக் கொண்ட நாடாகத் தென்னாப்பிரிக்கா திகழும் நிலையில், அதைக் கட்டுப்படுத்த அரசாங்கம் பல்வேறு முயற்சிகளை மேற்கொண்ட போதிலும், அங்கு கும்பல் வன்முறைகளும் திட்டமிட்ட குற்றச் செயல்களும் தொடர்ந்து பரவலாகவே காணப்படுகின்றன.
இந்த சம்பவங்கள் குறித்து பொலிஸார் விசாரணைகளை ஆரம்பித்துள்ளனர்.
