ஹிக்கடுவை, நாரிகம கடற்கரையில் நீராடச் சென்ற ஜேர்மன் பிரஜையொருவர் கடல் அலையில் சிக்கி நீரில் மூழ்கி உயிரிழந்துள்ளார்.
கடந்த 15 ஆம் திகதி மாலை இந்தச் சம்பவம் தொடர்பில் பொலிஸாருக்கு தகவல் கிடைத்துள்ளது.
கடல் நீரோட்டத்தில் சிக்கி அடித்துச் செல்லப்பட்ட குறித்த வெளிநாட்டுப் பிரஜையை, பிரதேசவாசிகள் மீட்டு கரைக்குக் கொண்டுவந்து பலப்பிட்டிய வைத்தியசாலையில் அனுமதித்துள்ளனர்.
எனினும், வைத்தியசாலையில் சிகிச்சை பெற்று வந்த நிலையில் அவர் உயிரிழந்துள்ளார்.
உயிரிழந்தவர் 71 வயதுடைய ஜேர்மன் நாட்டுப் பிரஜை எனத் தெரிவிக்கப்பட்டுள்ளது.
உயிரிழந்தவரின் சடலம் பிரேத பரிசோதனைக்காக பலப்பிட்டிய வைத்தியசாலையின் பிரேத அறையில் வைக்கப்பட்டுள்ளதுடன், சம்பவம் தொடர்பான மேலதிக விசாரணைகளை ஹிக்கடுவை பொலிஸார் முன்னெடுத்து வருகின்றனர்.













