கிரிஷ் கொடுக்கல் வாங்கல் விவகாரம் தொடர்பான வழக்கில் நாடாளுமன்ற உறுப்பினர் நாமல் ராஜபக்ஷவுக்கு கொழும்பு பிரதான நீதிவான் நீதிமன்றம் வழங்கிய பிணை உத்தரவின் செயல்பாட்டை இடைநிறுத்தி, கொழும்பு மேல் நீதிமன்றம் இடைக்கால உத்தரவு பிறப்பித்துள்ளது.
இலஞ்சம் அல்லது ஊழல் பற்றிய குற்றச்சாட்டுகளை விசாரிக்கும் ஆணைக்குழு (CIABOC), நாமல் ராஜபக்ஷவுக்கு பிணை வழங்கிய நீதிவான் நீதிமன்றத்தின் தீர்ப்பை ஆட்சேபித்து தாக்கல் செய்த மீளாய்வு மனுவைத் தொடர்ந்து இந்த உத்தரவு பிறப்பிக்கப்பட்டுள்ளது.
கடந்த நவம்பர் 3 ஆம் திகதி கொழும்பு பிரதான நீதிவான் நீதிமன்றம் நாமல் ராஜபக்ஷவுக்கு பிணை வழங்கியிருந்தது.
இதனையடுத்து, குறித்த பிணை உத்தரவை இரத்து செய்து, நாமல் ராஜபக்ஷவை மீண்டும் விளக்கமறியலில் வைக்குமாறு கோரி இலஞ்ச ஊழல் ஒழிப்பு ஆணைக்குழு நீதிமன்றத்தில் மனுத் தாக்கல் செய்திருந்தது.
இந்நிலையில், குறித்த மனு மீதான சட்ட நடவடிக்கைகள் தொடர்ந்து முன்னெடுக்கப்படும் நிலையில், நாமல் ராஜபக்ஷவுக்கு வழங்கப்பட்ட பிணை உத்தரவை இடைநிறுத்தி கொழும்பு மேல் நீதிமன்றம் இடைக்கால உத்தரவு பிறப்பித்துள்ளது.













