2019 ஆம் ஆண்டிற்கான திரைப்பட விருதுகள் அறிவிக்கப்பட்டுள்ளன. இதில் தமிழ் திரைப்படங்களுக்கு 6 தேசிய விருதுகள் உள்ளிட்ட 7 விருதுகள் கிடைக்கப்பெற்றுள்ளன.
இதன்படி சிறந்த நடிகருக்கான விருதை நடிகர் தனுஷ் பெற்றுக்கொண்டுள்ளார். அசுரன் திரைப்படத்திற்காக அவருக்கு குறித்த விருது கிடைக்கப்பெற்றுள்ளது.
அதேநேரத்தில் சிறந்த நடிகைக்கான விருதை கங்கனா ரனாவத் பெற்றுக்கொண்டுள்ளார். அத்துடன் சிறந்த குணச்சித்திர துணை நடிகருக்கான விருதை விஜய் சேதுபதி பெற்றுக்கொண்டுள்ளார். சூப்பர் டிலக்ஸ் திரைப்படத்திற்காக அவருக்கு மேற்படி விருது கிடைக்கப்பெற்றுள்ளது.
சிறந்த குழந்தை நட்சத்திரமாக நாக விஷால் தெரிவு செய்யப்பட்டுள்ளார். சிறந்த ஒலிப்பதிவு மற்றும் சிறப்பு ஜுரி விரு என இரண்டு விருதுகள் ஒத்த செருப்பு சைஸ்-7 திரைப்படத்திற்கு கிடைக்கப்பெற்றுள்ளது.
அத்துடன் சிறந்த இசையமைப்பாளராக டி.இமான் தெரிவு செய்யப்பட்டுள்ளார். விஸ்வாசம் திரைப்படத்திற்காக அவருக்கு குறித்த விருது கிடைக்கப்பெற்றுள்ளமை குறிப்பிடத்தக்கது.
