ஸ்ரீலங்கா பொதுஜன பெரமுனவின் ஸ்தாபகர் பசில் ராஜபக்ஷ, தனது கொள்கையில் மாற்றத்தினை ஏற்படுத்தி கொண்டால் நாட்டின் தலைவராக வர முடியுமென தேசப்பற்றுள்ள தேசிய இயக்கத்தின் பொதுச்செயலாளர் டாக்டர் வசந்த பண்டார குறிப்பிட்டுள்ளார்.
இணைய ஊடகமொன்றின் நேர்காணல் நிகழ்ச்சியில் கலந்துகொண்டு உரையாற்றும்போதே அவர் இவ்வாறு கூறியுள்ளார்.
குறித்த நிகழ்ச்சியின்போது டாக்டர் வசந்த பண்டார மேலும் கூறியுள்ளதாவது, “பசில் ராஜபக்ஷ, தனது கொள்கையில் மாற்றங்களை ஏற்படுத்தாவிட்டால் நாட்டின் ஜனாதிபதியாக ஒருபோதும் வரமுடியாது.
எனவே அவர், ஜனாதிபதியாக வருவதற்கு விரும்பினால், அவர் மாற வேண்டும். அதாவது அரசியலில் மாற்றம் இருந்தால், கொள்கையில் மாற்றம் இருந்தால் அவருடன் எந்த பிரச்சனையும் கிடையாது.
பசில் ராஜபக்ஷ இவ்விடயங்களில் முழுமையாக மாறினால், நாட்டின் தலைவராவதற்கு தகுதியானவர்” என அவர் குறிப்பிட்டுள்ளார்.
