ஐ.பி.எல். ரி-20 தொடரின் ஒன்பதாவது லீக் போட்டியில், மும்பை இந்தியன்ஸ் அணியும் சன்ரைசஸ் ஹைதராபாத் அணியும் மோதவுள்ளன.
சென்னை மைதானத்தில் இன்று (சனிக்கிழமை) உள்ளூர் நேரப்படி இரவு 7.30 மணிக்கு இப்போட்டி நடைபெறவுள்ளது.
இப்போட்டியில் மும்பை அணிக்கு ரோஹித் சர்மாவும் ஹைதராபாத் அணிக்கு டேவிட் வோர்னரும் தலைமை தாங்கவுள்ளனர்.
மும்பை இந்தியன்ஸ் அணி, நடப்பு தொடரில் விளையாடிய இரு போட்டிகளில் ஒன்றில் வெற்றி, ஒன்றில் தோல்வியை பதிவுசெய்துள்ளது. ஹைதராபாத் அணி தான் விளையாடிய இரண்டு போட்டிகளிலுமே தோல்வியை தழுவியுள்ளது.
இரு அணிகளும் இதற்கு முன்னதாக, 16முறை மோதியுள்ளன. இரு அணிகளும் தலா 8 வெற்றிகளை பதிவுசெய்துள்ளன.
