2021 ஆம் ஆண்டு ஐ.பி.எல் தொடரில் முதலாவது வெற்றியை சன்ரைசர்ஸ் ஹைதராபாத் அணி பெற்றுள்ளது.
இன்று சென்னை மைதானத்தில் சன்ரைசர்ஸ் ஹைதராபாத் அணியும் பஞ்சாப் கிங்ஸ் அணியும் பலப்பரீட்சை நடத்தின.
இப்போட்டியில் நாணய சுழற்சியில் வெற்றிபெற்ற பஞ்சாப் அணி முதலில் துடுப்பாட்டத்தை தெரிவு செய்து களமிறங்கியது.
அதன்படி முதலில் களமிறங்கிய பஞ்சாப் அணி 19.4 ஓவர்கள் நிறைவில் அனைத்து விக்கெட்களையும் இழந்து 120 ஓட்டங்களை பெற்றுக்கொண்டது.
அவ்வணி சார்பாக அதிகபட்சமாக மயங்க் அகர்வால் மற்றும் ஷாருக் கான் ஆகியோர் தலா 22 ஓட்டங்களை பெற்றுக்கொண்டனர்.
பந்துவீச்சில் சன்ரைசர்ஸ் ஹைதராபாத் அணி சார்பாக கலீல் அகமட் 3 விக்கெட்களையும் அபிஷேக் சர்மா 2 விக்கெட்களையும் வீழ்த்தினர்.
இதனை அடுத்து 121 ஓட்டங்கள் என்ற வெற்றி இலக்கை நோக்கு துடுப்பெடுத்தாடிய சன்ரைசர்ஸ் ஹைதராபாத் அணி 18.4 ஓவர்கள் நிறைவில் ஒரு விக்கெட்டை மாத்திரமே இழந்து வெற்றி இலக்கை கடந்தது.
அவ்வணி சார்பாக ஜொனி பேர்ஸ்டோவ் 63 ஒட்டங்களையும் டேவிட் வோர்னர் 37ஓட்டங்களையும் பெற்றுக்கொண்டனர்.
பந்துவீச்சில் பஞ்சாப் அணி சார்பாக பேபியன் அலன் ஒரு விக்கெட்டை வீழ்த்தினார்.
