தமிழகத்தில் கொரோனா வைரஸ் தொற்று தீவிரமாகப் பரவிவரும் நிலையில் ஒரேநாள் பாதிப்பு 20ஆயிரத்தை நெருங்கியுள்ளது.
இதன்படி, இன்று (சனிக்கிழமை) ஒரேநாளில் 19 ஆயிரத்து 588 பேருக்குக் கொரோனா தொற்று கண்டறியப்பட்டுள்ளதாக தமிழக சுகாதாரத்துறை வெளியிட்டுள்ள அறிக்கையில் தெரிவிக்கப்பட்டுள்ளது.
சென்னையில் மாத்திரம் இன்று ஐயாயிரத்து 829 பேருக்குத் தொற்று கண்டறியப்பட்டுள்ளது.
இந்நிலையில், தமிழகத்தில் இதுவரை 11 இலட்சத்து 86 ஆயிரத்து 344 பேருக்கு தொற்று கண்டறியப்பட்டுள்ளது.
அத்துடன், இன்று மட்டும் கொரோனா தொற்றினால் 147 பேர் மரணித்துள்ள நிலையில் மொத்த உயிரிழப்பு 14 ஆயிரத்து 193ஆக அதிகரித்துள்ளது.
இதேவேளை, 17 ஆயிரத்து 164 பேர் கொரோனா தொற்றிலிருந்து இன்று வீடுகளுக்குத் திரும்பியுள்ள நிலையில் தொற்றிலிருந்து மீண்டோரின் மொத்த எண்ணிக்கை 10 இலட்சத்து 54 ஆயிரத்து 746 ஆகப் பதிவாகியுள்ளது.
இந்நிலையில், இன்னும் ஒரு இலட்சத்து 17 ஆயிரத்து 405 பேர் தொடர்ந்து வைத்தியசாலைகளில் சிகிச்சைபெற்று வருகின்றனர்.
