நுவரெலியா- கினிகத்தேனையில் தொடர்ச்சியாக பெய்துவரம் கனமழை காரணமாக பொல்பிட்டிய மாதெனியாவத்தயிலுள்ள வீடொன்றில், இன்று (வெள்ளிக்கிழமை) அதிகாலை, மண் மேடு சரிந்து விபத்து ஏற்பட்டுள்ளது.
குறித்த சம்பவத்தில் வீட்டிலிருந்த தாய் மற்றும் அவரது மகள் உட்பட ஐவர் காயமடைந்த நிலையில் சிகிச்சைக்காக வைத்தியசாலையில் அனுமதிக்கப்பட்டுள்ளனர்.
மேலும் மண் மேடுக்குள் சிக்கியிருந்தவர்களை பிரதேச மக்கள் மற்றும் லக்ஸ்ஸபான இராணுவ முகாமைச் சேர்ந்த இராணுவத்தினர் ஆகியோர் இணைந்து மீட்டுள்ளனர்.
இதேவேளை கன மழை தொடர்ந்து பெய்து வருகின்றமையினால் நோர்ட்டன் பீரிஜ், விமலசுரேந்திரா நீர்தேக்கத்தின் ஒரு வான் கதவு தற்போது திறக்கப்பட்டுள்ளதாகவும் இதேநிலைமை தொடர்ந்து நீடிக்குமாயின் ஏனைய வான் கதவுகளும் திறக்கப்படும் எனவும் நுவரெலியா மாவட்ட அனர்த்த முகாமைத்துவ மத்திய நிலையம் தெரிவித்துள்ளது.
