கிளிநொச்சி- திருவையாறுப் பகுதியினைச் சேர்ந்த 77 வயதுடைய வயோதிபப் பெண்ணொருவர் கொரோனா வைரஸ் தொற்றினால் உயிரிழந்துள்ளார்.
இந்த வயோதிபப் பெண் உயிரிழந்த நிலையில் கிளிநொச்சி மாவட்ட வைத்தியசாலையில் அனுமதிக்கப்பட்டுள்ளார்.
இதன்போது வைத்தியசாலையின் வெளி நோயாளர் பிரிவு ஊடாக, அவரின் பி.சிஆர்.மாதிரிகள் யாழ்ப்பாணம் போதனா வைத்தியசாலைக்கு அனுப்பி வைக்கப்பட்டிருந்தது.
இந்நிலையில் நேற்று (வெள்ளிக்கிழமை), யாழ்ப்பாணம் போதனா வைத்தியசாலை ஆய்வுகூடத்தில் குறித்த மாதிரிகள் பரிசோதனைக்கு உட்படுத்தப்பட்டபோது அந்த பெண்ணுக்கு கொரோனா வைரஸ் தொற்று ஏற்பட்டிருந்தமை உறுதி செய்யப்பட்டுள்ளது.
மேலும் உயிரிழந்த பெண்ணின் உடலை, சுகாதார நடைமுறைகளுக்கு அமைய உறவினர் ஒருவரின் முன்னிலையில் தகனம் செய்வதற்கு நடவடிக்கை மேற்கொள்ளப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.
இதேவேளை குறித்த வயோதிபப் பெண்ணின் மகனுடைய குடும்பத்தை, தனிமைப்படுத்த நடவடிக்கை மேற்கொள்ளப்பட்டுள்ளதாக கிளிநொச்சி சுகாதாரத் திணைக்கள வட்டாரங்கள் தெரிவிக்கின்றன.
