தனிமைப்படுத்தல் உத்தரவுகளை மீறினார்கள் என்ற குற்றச்சாட்டின் பேரில் இன்று(வெள்ளிக்கிழமை) காலை 6.00 மணியுடன் நிறைவடைந்த கடந்த 24 மணித்தியாலங்களில் 325 பேர் கைதுசெய்யப்பட்டுள்ளனர்.
அத்துடன், குறித்த குற்றச்சாட்டுக்காக கடந்த ஒக்டோபர் 30 முதல் இதுவரையான காலப் பகுதியில் மொத்தமாக 46 ஆயிரத்து 260 பேர் கைதுசெய்யப்பட்டுள்ளனர்.
இதேவேளை நேற்று கொழும்புக்கான 14 நுழைவாயில்களில் 3 ஆயிரத்து 337 வாகனங்களில் பயணித்த 6 ஆயிரத்து 549 பேர் சோதனைக்கு உட்படுத்தப்பட்டுள்ளனர்.
அவற்றில் 75 வாகனங்களில் பயணித்த 170 பேர் மாகாணங்களுக்கிடையிலான பயணக் கட்டுப்பாடுகளை மீற முயற்சித்தமைக்காக திருப்பி அனுப்பப்பட்டுள்ளதாகவும் பொலிஸார் தெரிவித்தனர்.
நாட்டில் பயணக் கட்டுப்பாடுகள் நீக்கப்பட்டுள்ள போதிலும், மாகாணங்களுக்கிடையிலான போக்குவரத்து கட்டுப்பாடு தொடர்ந்தும் அமுலிலேயே உள்ளது என்பதுக் குறிப்பிடத்தக்கது.
