விம்பிள்டன் பகிரங்க டென்னிஸ்: இரண்டாவது சுற்றுப் போட்டிகளின் முடிவுகள்!

ஆண்டின் மூன்றாவது கிராண்ட்ஸ்லாம் அந்தஸ்து பெற்ற, விம்பிள்டன் பகிரங்க டென்னிஸ் தொடர் விறுவிறுப்பாக நடைபெற்று வருகின்றது.

உலகில் மிகவும் பழமையான இந்த தொடர், புற்தரையில் நடைபெறும் சிறப்பு மிக்க தொடராகும்.

ஆண்கள்- பெண்கள் என இரு பிரிவினருக்கும் நடைபெறும் இத்தொடரில், மொத்தம் நான்கு பிரிவுகளில் போட்டிகள் நடைபெறுகின்றன.

இதன்படி தற்போது நடைபெற்றுவரும் ஆண்களுக்கான ஒற்றையர் பிரிவு, இரண்டாவது சுற்றுப் போட்டிகளின் முடிவுளை பார்க்கலாம்,

1. ஆண்களுக்கான ஒற்றையர் பிரிவு இரண்டாவது சுற்றுப் போட்டியில், சுவிஸ்லாந்தின் ரோஜர் பெடரர், பிரான்ஸின் ரிச்சர்ட் கேஸ்கெட்டுடன் மோதினார்.

பரபரப்பாக நடைபெற்ற இப்போட்டியில், 7-6, 6-1, 6-4 என்ற நேர் செட் கணக்குகளில் வெற்றிபெற்று ரோஜர் பெடரர், மூன்றாவது சுற்றுக்கு முன்னேறினார்.

2. ஆண்களுக்கான ஒற்றையர் பிரிவு இரண்டாவது சுற்றுப் போட்டியில், ரஷ்யாவின் டேனில் மெட்வேடவ், ஸ்பெயினின் கார்லோஸ் அல்கராஸ் கார்பியாவுடன் பலப்பரீட்சை நடத்தினார்.

விறுவிறுப்பாக நடைபெற்ற இப்போட்டியில், 6-4, 6-1, 6-2 என்ற நேர் செட் கணக்குகளில் வெற்றிபெற்று டேனில் மெட்வேடவ், மூன்றாவது சுற்றுக்குள் நுழைந்தார்.

3. ஆண்களுக்கான ஒற்றையர் பிரிவு இரண்டாவது சுற்றுப் போட்டியில், ஜேர்மனியின் அலெக்ஸண்டர் ஸ்வெரவ், அமெரிக்காவின் டென்னிஸ் சாண்ட்கிரெனை எதிர்கொண்டார்.

எதிர்பார்ப்பு மிக்க இப்போட்டியில், 7-5, 6-2, 6-3 என்ற நேர் செட் கணக்குகளில் வெற்றிபெற்று அலெக்ஸண்டர் ஸ்வெரவ், மூன்றாவது சுற்றுக்குள் அடியெடுத்து வைத்தார்.

4. இதேபோல பெண்களுக்கான ஒற்றையர் பிரிவு இரண்டாவது சுற்றுப் போட்டியில், ஜேர்மனியின் ஏஞ்சலிக் கெர்பர், ஸ்பெயினின் சாரா சோரிப்ஸ் டார்மோவுடன் போட்டியிட்டார்.

இப்போட்டியில், ஏஞ்சலிக் கெர்பர், 7-5, 5-7, 6-4 என்ற செட் கணக்குகளில் வெற்றிபெற்று மூன்றாவது சுற்றுக்கு தகுதிபெற்றார்.

5. பெண்களுக்கான ஒற்றையர் பிரிவு இரண்டாவது சுற்றுப் போட்டியில், அவுஸ்ரேலியாவின் ஆஷ்லே பார்டியும், ரஷ்யாவின் அன்னா பிளிங்கோவாவும் மோதினர்.

விறுவிறுப்பாக நடைபெற்ற இப்போட்டியில், 6-4, 6-3 என்ற நேர் செட் கணக்குகளில் வெற்றிபெற்று மூன்றாவது சுற்றுக்கு முன்னேறினார்.