மேலும் 1.6 மில்லியன் டோஸ் சினோபோர்ம் கொரோனா தடுப்பூசிகள் இன்று (செவ்வாய்க்கிழமை) இலங்கையை வந்தடைந்துள்ளன.
சீனாவில் இருந்து விசேட விமானமொன்றின் மூலம் குறித்த தடுப்பூசிகள் கட்டுநாயக்க விமான நிலையத்திற்கு கொண்டு வரப்பட்டன.
கடந்த 22 ஆம் திகதி சினோபோர்ம் தடுப்பூசியின் 2 மில்லியன் டோஸ் கொரோனா தடுப்பூசிகள் இலங்கையை வந்தடைந்தன.
சீனாவிடமிருந்து 600,000 டோஸ் தடுப்பூசிகள் இலங்கைக்கு நன்கொடையாக கிடைத்தமையை அடுத்து மீதமுள்ள தடுப்பூசிகள் அனைத்து சீன உற்பத்தியாளரிடமிருந்து கொள்வனவு செய்யப்பட்டமை குறிப்பிடத்தக்கது.
