கொரோனா தடுப்பூசி எய்ட்ஸ் நோய் வருவதற்கான வாய்ப்பை அதிகரிக்கக்கூடும் என்ற பிரேசில் ஜனாதிபதியின் கருத்து தொடர்பாக அந்நாட்டு உச்ச நீதிமன்றம் விசாரணையை தொடங்கியுள்ளது.
சமூக வலைதளத்தில் இந்த கருத்தை பதிவிட்டமையினால், போலி செய்தி கொள்கைகளின் கீழ் பேஸ்புக் மற்றும் யூடியூப்பில் இருந்து அவர் தற்காலிகமாக தடை செய்யப்பட்டார்.
தொற்றுநோயைக் கையாண்டது குறித்து பிரேசிலின் ஜனாதிபதி ஜெய்ர் போல்சனாரோ ஏற்கனவே தனி விசாரணையை எதிர்கொண்டு வருகின்றார்.
தடுப்பூசிகளின் செயற்திறன் குறித்து அடிக்கடி சந்தேகம் எழுப்பிவரும் அவர் எய்ட்ஸ் நோய் வருவதற்கான வாய்ப்பை அதிகரிக்கக்கூடும் என கூறியுள்ளார்.
இந்நிலையில் கடந்த வெள்ளிக்கிழமை முதல் உச்ச நீதிமன்ற நீதிபதி தலைமையில் விசாரணைகள் ஆரம்பிக்கப்பட்டுள்ளன.
