கனேடிய தலைநகரில் ஒரு வார கால முற்றுகை, கிட்டத்தட்ட 300க்கும் மேற்பட்ட கைதுகளுக்கு வழிவகுத்தது.
இதுவரை கைது செய்யப்பட்டவர்கள் 389 வெவ்வேறு கிரிமினல் குற்றச்சாட்டுகளை எதிர்கொள்கின்றனர்.
இதில் பொலிஸாரை தடுத்தது, நீதிமன்ற உத்தரவை மீறியது, தாக்குதல், குறும்பு செய்தல், ஆயுதம் வைத்திருந்தது மற்றும் ஒரு பொலிஸ் அதிகாரியை தாக்கியது என பல குற்றச்சாட்டுகள் அடங்கும்.
அத்துடன், ஒட்டாவாவில் நடந்து வரும் போராட்டங்களில் ஈடுபட்டதாக நம்பப்படும் சில தனிநபர்கள் மற்றும் நிறுவனங்களுடன் தொடர்புடைய நிதிகளை கனேடிய அதிகாரிகள் ஞாயிற்றுக்கிழமை முடக்கினர்.
வங்கி மற்றும் கார்ப்பரேட் கணக்குகள் உட்பட 206 நிதி தயாரிப்புகளை கனேடிய அதிகாரிகள் முடக்கியதாக, ஒட்டாவாவின் இடைக்கால காவல்துறை தலைவர் ஸ்டீவ் பெல் கூறினார்.
வாகனங்கள், தனிநபர்கள் மற்றும் நிறுவனங்களுடன் தொடர்புடைய 56 நிறுவனங்களின் தகவல்களை ரோயல் கனடியன் மவுண்டட் பொலிஸ்துறை வெளிப்படுத்தியது.
மெய்நிகர் நாணய பரிமாற்றிகளுடன் 253 பிட்காயின் முகவரிகள் பகிரப்பட்டுள்ளது மற்றும் 3.8 டொலர்கள் மில்லியன் மதிப்புள்ள ஒரு கட்டணச் செயலாக்கக் கணக்கை முடக்கியது
லொரி ஓட்டுநர்கள் கட்டாயம் கொரோனா தடுப்பூசி செலுத்தியிருக்க வேண்டும் என்று கனடா அரசாங்கம் கடந்த மாதம் வெளியிட்ட அறிவிப்புக்கு எதிர்த்து, ‘போக்குவரத்துக்கான சுதந்திரம்’ என்ற பெயரில் அவர்கள் தொடங்கிய போராட்டம், பொதுவான கட்டுப்பாடுகளுக்கு எதிரான மக்கள் போராட்டமாக உருவெடுத்தது.
எதிர்ப்பாளர்கள் ஆரம்பத்தில் டிரக் ஓட்டுநர்களுக்கான எல்லை தாண்டிய கொவிட்-19 தடுப்பூசி ஆணைகளுக்கு முற்றுப்புள்ளி வைக்க விரும்பினர், ஆனால் முற்றுகை ட்ரூடோ மற்றும் அரசாங்கத்திற்கு எதிரான ஆர்ப்பாட்டமாக மாறியது.
ஆனால், தற்போது 3 வாரங்களுக்கு மேல் நடைபெற்று வந்த போராட்டங்கள், பொலிஸாரின் நடவடிக்கைகளுகக்குப் பின் பெரும்பாலும் கட்டுப்பாட்டுக்குள் வந்துள்ளன.
தலைநகர் ஒட்டாவாவில் ஆங்காங்கே ஆர்ப்பாட்டம் நடைபெற்றாலும், நாடாளுமன்றச் வீதி உள்ளிட்ட முக்கியப் பகுதிகளில் போராட்டக்காரர்கள் அப்புறப்படுத்தப்பட்டுள்ளனர்.
