இரு அமைச்சர்களை அமைச்சு பதவியில் இருந்து நீக்கியமை கொள்கை அடிப்படையிலான தீர்மானம் என அமைச்சர் திலும் அமுனுகம தெரிவித்தார்.
அமைச்சர்கள் எவரும் அரசாங்கத்தை விமர்சிக்கக் கூடாது என்ற ஜனாதிபதியின் கொள்கையின் அடிப்படையிலேயே சுசில் பிரேமஜயந்தவும் பதவியில் இருந்து நீக்கப்பட்டதாக கூறினார்.
குறித்த இரு அமைச்சர்களும் இணைந்து பாரிய மாநாட்டை நடாத்தி நாட்டுக்கு எதிராக கடும் விமர்சனங்களை முன்வைத்ததே அதற்குக் காரணம் என திலும் அமுனுகம தெரிவித்தார்.
அரசாங்கத்திற்கு எதிராக விமர்சனங்களை முன்வைக்க வேண்டுமாயின் பதவி விலகி பேரணியை நடத்தியிருக்க வேண்டும் என்றும் குறிப்பிட்டார்.
கப்பல் மூழ்கும் போது அதில் இருந்து குதிக்காது கப்பலை மீண்டும் கட்டுப்பாட்டிற்குள் கொண்டு வருவது குறித்தே யோசிக்க வேண்டும் என்றும் திலும் அமுனுகம தெரிவித்தார்.
