இந்தியாவின் பல தேவைகள் ரஷ்யா, உக்ரைன் ஆகிய நாடுகளுடன் இணைக்கப்பட்டுள்ளதாக பிரதமர் நரேந்திர மோடி கூறியுள்ளார்.
உக்ரைன் – ரஷ்யாவிற்கு இடையில் போர் பதற்றம் அதிகரித்து வருகின்ற நிலையில், இந்த விவகாரத்தில் இந்தியா நடுநிலை வகித்து வருகிறது. இதற்கான காரணம் குறித்து பிரதமர் நரேந்திர மோடி விளக்கம் அளித்துள்ளார்.
ரஷ்யாவிற்கும் உக்ரைனுக்கும் இடையில் நடந்து கொண்டிருக்கும் போரில் இந்தியா அமைதியின் பக்கம் உள்ளது மற்றும் அனைத்து பிரச்சினைகளும் விவாதத்தின் மூலம் தீர்க்கப்படும் என்று நம்புகிறது எனவும் மோடி கூறியுள்ளார்.
பொருளாதாரம், பாதுகாப்பு, கல்வி மற்றும் அரசியல் ரீதியாக போரில் ஈடுபட்ட நாடுகளுடன் இந்தியாவுக்கு தொடர்பு உள்ளது. இந்தியாவின் பல தேவைகள் இந்த நாடுகளுடன் இணைக்கப்பட்டுள்ளன எனவும் அவர் தெரிவித்துள்ளார்.
உக்ரைனுக்கு எதிராக ரஷ்யா தனது இராணுவ நடவடிக்கையை தொடங்கியதிலிருந்து ஐ.நா. வாக்கெடுப்பை இந்தியா புறக்கணித்திருந்தமை குறிப்பிடத்தக்கது.
