ஐ.பி.எல் கிரிக்கட் தொடரின் முதல் போட்டியில் கொல்கத்தா நைட் ரைடர்ஸ் அணி 6 விக்கட்டுக்களினால் வெற்றி பெற்றுள்ளது.
போட்டியின் நாணய சுழற்சியில் வெற்றி பெற்ற கொல்கத்தா நைட் ரைடர்ஸ் அணி களத்தடுப்பை தெரிவு செய்தது.
இதற்கமைய முதலில் துடுப்பாடிய சென்னை சூப்பர் கிங்ஸ் அணி 20 ஓவர்கள் நிறைவில் 5 விக்கெட்களை இழந்து 131 ஓட்டங்களைப் பெற்றது.
அணியின் சார்பில் அதிகபடியாக மஹேந்திர சிங் தோனி, ஆட்டமிழக்காது 7 நான்கு ஓட்டங்கள் அடங்களாக 50 ஓட்டங்களைப் பெற்றுக்கொடுத்தார்.
தொடர்ந்து 132 என்ற வெற்றியிலக்கை நோக்கி பதிலளித்தாடிய கொல்கத்தா நைட் ரைடர்ஸ் அணி 18.3 ஓவர்கள் நிறைவில் 4 விக்கெட்களை இழந்து 133 ஓட்டங்களைப் பெற்று வெற்றியடைந்தது.
அணியின் சார்பில் அதிகபடியாக அஜின்கியா ரெஹேனா 44 ஓட்டங்களை பெற்றார்.
20 ஓட்டங்களுக்கு 2 விக்கெட்டுகளை வீழ்த்திய கொல்கத்தா நைட் ரைடர்ஸ் அணியின் உமேஷ் யாதவ் ஆட்டநாயகனாக தெரிவு செய்யப்பட்டிருந்தார்.
