அமெரிக்காவின் லொஸ் ஏஞ்சல்ஸ் நகரில் 2022 ஆம் ஆண்டுக்கான ஆஸ்கர் விருது வழங்கும் விழா நடைபெற்று வருகிறது.
இதில் சிறந்த நடிகருக்கான விருதை, வில் ஸ்மித் பெற்றுள்ளார். கிங் ரிச்சர்ட் திரைப்படத்திற்காக அவருக்கு குறித்த விருது வழங்கப்பட்டுள்ளது.
இந்த திரைப்படத்தில் நடிகர் வில் ஸ்மித் “ரிச்சர்ட் வில்லியம்ஸ்” என்ற கதாபாத்திரத்தில் நடித்திருந்தார். இந்த திரைப்படம் 38.1 மில்லியன் அமெரிக்க டொலர்களை வசூல் செய்திருந்தது.
இதேவேளை நடிகர் ‘வில் ஸ்மித்’ இரண்டு முறை சிறந்த நடிகருக்கான விருதுகள் பட்டியலில் பரிந்துரைக்கப்பட்டிருந்த நிலையில், இம்முறை விருதை பெற்றுக்கொண்டுள்ளார் என்பது குறிப்பிடத்தக்கது.
