ஸ்ரீலங்கா சுதந்திரக் கட்சியின் உறுப்பினர்கள் பலர் எதிர்காலத்தில் இராஜாங்க அமைச்சர்களாக பதவிப் பிரமாணம் செய்யவுள்ளதாக அமைச்சர் மஹிந்த அமரவீர தெரிவித்துள்ளார்.
வனஜீவராசிகள் அமைச்சில் ஊடகங்களுக்கு கருத்து தெரிவிக்கும்போதே அவர் இதனை கூறியுள்ளார்.
இதன்போது உங்களுக்கு எதிரான ஒழுக்காற்று விசாரணையை எப்படி சமாளிப்பீர்கள் என கேள்வியெழுப்பப்பட்டது.
இதற்கு பதிலளித்த அவர், “அவ்வாறான ஒழுக்காற்று விசாரணை குறித்து எங்களுக்கு எதுவும் அறிவிக்கப்படவில்லை. இந்த முடிவு குறித்து அடுத்த வாரம் முடிவு செய்வோம்.
எங்களில் பலர் இராஜாங்க அமைச்சர்களாக பதவியேற்போம். ஒழுங்கு விசாரணை அல்லது அத்தகைய சூழ்நிலையை உருவாக்க வேண்டிய அவசியம் இல்லை” என அவர் மேலும் தெரிவித்துள்ளார்.
