இலங்கை அணிக்கு எதிரான முதலாவது சர்வதேச கிரிக்கெட் போட்டியில் அவுஸ்ரேலிய அணி டக்வேத்-லூயிஸ் முறையில் 2 விக்கெட்டுக்களால் வெற்றி பெற்றுள்ளது.
இப்போட்டியில் நாணய சுழற்சியில் வெற்றிபெற்று முதலில் துடுப்பெடுத்தாடிய இலங்கை அணி 50 ஓவர்களில் 7 விக்கெட் இழப்புக்கு 300 ஓட்டங்களை பெற்றது.
இதனை அடுத்து 301 ஓட்டங்கள் என்ற வெற்றி இலக்கை நோக்கி அவுஸ்ரேலிய அணி பதிலுக்கு துடுப்பெடுத்தாடியது.
இருப்பினும் மழை குறுக்கிட்டதால் போட்டி 44 ஓவர்களாக குறைக்கப்பட்டு வெற்றி இலக்கும் 282 ஆக நிர்ணயிக்கப்பட்டது.
எவ்வாறாயினும் சகலதுறை வீரர் மக்ஸ்வெல் ஆட்டமிழக்காமல் 80 ஓட்டங்களை குவிக்க 42.3 ஓவர்களில் அவுஸ்ரேலிய அணி வெற்றி இலக்கை கடந்தது.
