அவசரகால சட்டம் அமுல்படுத்தப்பட்டதை ஏற்கமுடியாது என ஸ்ரீலங்கா பொதுஜன பெரமுனவின் நாடாளுமன்ற உறுப்பினர் டலஸ் அழகப்பெரும தெரிவித்துள்ளார்.
கொழும்பில் நேற்று(வியாழக்கிழமை) இடம்பெற்ற ஊடகவியலாளர்கள் சந்திப்பின் போதே அவர் இவ்வாறு குறிப்பிட்டுள்ளார்.
தனது அணியினர் அரசியல் சூழ்ச்சி செய்யவில்லை எனவும் மக்கள் பக்கம்நின்று, மனசாட்சியின் பிரகாரமே செயற்பட்டுவருகின்றனர் எனவும் அவர் தெரிவித்துள்ளார்.
அரசியல் கலாச்சாரத்தில் மாற்றத்தை ஏற்படுத்தும் நோக்கிலேயே ஜனாதிபதித் தேர்தலில் தான் போட்டியிட்டதாகவும் அவர் குறிப்பிட்டுள்ளார்.
அது அரசியல் சூழ்ச்சி கிடையாது எனவும் ஸ்ரீலங்கா பொதுஜன பெரமுனவின் நாடாளுமன்ற உறுப்பினர் டலஸ் அழகப்பெரும தெரிவித்துள்ளார்.
தான் ஜனாதிபதியாகி இருந்தால், சர்வக்கட்சி அரசு அமைந்திருக்கும் எனவும் நிச்சயம் மாற்றம் வந்திருக்கும் எனவும் அவர் கூறியுள்ளார்.
எண் கணித அடிப்படையில் தான் தோற்றிருக்கலாம் என தெரிவித்துள்ள அவர், அரசியல் ரீதியில் தோற்கவில்லை எனவும் மக்கள் எம் பக்கமே நிற்கின்றனர் எனவும் அவர் குறிப்பிட்டுள்ளார்.
