இலங்கைக்கு விஜயம் மேற்கொண்டுள்ள ஆசிய பிராந்தியத்திற்கான அமெரிக்க திறைசேரியின் பிரதி உதவி செயலாளர் ரொபர்ட் கப்ரோத், மத்திய வங்கி ஆளுநர் நந்தலால் வீரசிங்கவை சந்தித்து கலந்துரையாடியுள்ளார்.
சர்வதேச நாணய நிதியத்துடன் செய்துகொள்ளப்பட்டுள்ள பணியாளர் மட்ட ஒப்பந்தம் தொடர்பில் இங்கு கலந்துரையாடப்பட்டதாக இலங்கைக்கான அமெரிக்கத் தூதுவர் ஜூலி சாங் தனது டுவிட்டர் கணக்கில் தெரிவித்துள்ளார்.
நாட்டில் ஏற்பட்டுள்ள நிதி நெருக்கடி மற்றும் இலங்கையின் பொருளாதாரத்தை கட்டியெழுப்பும் முயற்சிகள் தொடர்பில் எடுக்கப்படக்கூடிய நிலையான தீர்வுகள் தொடர்பிலும் நீண்ட நேரம் கலந்துரையாடப்பட்டதாக அமெரிக்க தூதுவர் குறிப்பிட்டுள்ளார்.
மேலும் இலங்கையில் முதலீடு செய்யும் அமெரிக்க வர்த்தகர்கள் குழுவுடனும் அமெரிக்க பிரதி உதவிச் செயலாளர் கலந்துரையாடியுள்ளதாகத் தெரிவிக்கப்படுகிறது.
உத்தியோகபூர்வ விஜயமொன்றை மேற்கொண்டு கடந்த 25ஆம் திகதி நாட்டிற்கு வந்த ரொபர்ட் கப்ரோத், ஜனாதிபதி ரணில் விக்ரமசிங்க மற்றும் அரசாங்கத்தின் உயர்மட்ட பிரதிநிதிகள் மற்றும் எதிர்க்கட்சியை பிரதிநிதித்துவப்படுத்தும் நாடாமன்ற உறுப்பினர்களுடனும் பேச்சுவார்த்தைகளை நடத்தினார் என்பது குறிப்பிடத்தக்கது.
In our meetings w/ @mahindasiriwar6 & @CBSL’s Governor Nandala Weerasinghe, we discussed Sri Lanka’s, continued commitment to the IMF staff level agreements & efforts to build a sustainable, resilient economy that is better equipped to withstand financial crises. pic.twitter.com/2V7UtI7lVd
— Ambassador Julie Chung (@USAmbSL) October 26, 2022
