பிரித்தானியாவின் பொருளாதாரம் மூன்றாம் காலாண்டில் 0.2 சதவீதம் வீழ்ச்சியடைந்துள்ளதாக, ஆரம்பகால உத்தியோகபூர்வ புள்ளிவிபரங்கள் காட்டுகின்றன. இந்த எண்ணிக்கை மந்தநிலையை நோக்கிய முதல் படியைக் குறித்தது.
தேசிய புள்ளிவிபரங்களுக்கான அலுவலகம், கடந்த செப்டம்பர் மாதத்திற்கான உற்பத்தியில் சரிவை அறிவித்தது.
காலாண்டு மொத்த உள்நாட்டு உற்பத்தி என்பது மூன்று மாத காலத்தில் உற்பத்தி செய்யப்படும் அனைத்து பொருட்கள் மற்றும் சேவைகளின் மதிப்பு மற்றும் பொருளாதாரத்தின் ஆரோக்கியத்தின் அளவீடு ஆகும்.
மந்தநிலையின் அதிகாரப்பூர்வ வரையறை எதிர்மறையான வளர்ச்சியின் இரண்டு தொடர்ச்சியான காலாண்டுகள் ஆகும். நான்காவது காலாண்டில் பொருளாதாரமும் சுருங்கினால் அது அடையப்படும்.
2022ஆம் ஆண்டின் மூன்றாம் காலாண்டில் இருந்து தொடர்ந்து எட்டு காலாண்டுகளுக்கு பொருளாதாரம் சுருங்கக்கூடிய ஒரு சூழ்நிலையை கோடிட்டுக் காட்டும் வகையில், பிரித்தானியா ஏற்கனவே மந்தநிலையில் இருப்பதாக கடந்த வாரம் பேங்க் ஒஃப் இங்கிலாந்து அறிவித்தது.
2008 நிதி நெருக்கடிக்குப் பிறகு ஏற்பட்ட வீழ்ச்சியுடன் ஒப்பிடுகையில், சரிவின் ஆழம் மிதமானதாக இருந்தாலும், பதிவுகள் தொடங்கியதிலிருந்து இது மிகவும் நீடித்த வீழ்ச்சியை உருவாக்கும்.
செப்டம்பரில் மொத்த உள்நாட்டு உற்பத்தியில் கூர்மையான சரிவு ஏற்பட்டது, இது ராணியின் இறுதிச் சடங்கிற்கான வங்கி விடுமுறையால் பாதிக்கப்பட்டதாக தேசிய புள்ளிவிபரங்களுக்கான அலுவலகம், கூறியது. இந்த நாளில் சில வணிகங்கள் மூடுவது அல்லது வேறுவிதமாக இயங்குவதால் மாதத்திற்கு 0.6 சதவீதம் சுருக்கம் ஏற்பட்டது.
