2021ஆம் ஆண்டு லூதியாணா நீதிமன்றத்தில் இடம்பெற்ற குண்டுவெடிப்பு சம்பவத்துடன் தொடர்புடைய குற்றச்சாட்டில் தேடப்பட்டு வந்த முக்கிய சந்தேகநபர் கைது செய்யப்பட்டுள்ளார்.
டில்லி இந்திரா காந்தி சர்வதேச விமான நிலையத்தில் வைத்து இன்று (வெள்ளிக்கிழமை) காலை அவர் கைது செய்யப்பட்டதை தேசிய புலனாய்வுப் பிரிவு உறுதி செய்துள்ளது.
குறித்த சந்தேகநபரான பஞ்சாப் மாநிலம் அமிருதசரஸைச் சேர்ந்த ஹர்பிரீத் சிங் தொடர்பாக தெரியப்படுத்தினால், 10 இலட்சம் ரூபாய் பணம் வழங்கப்படும் என்று அறிவிக்கப்பட்டிருந்த நிலையில் கோலாலம்பூரிலிருந்து இந்தியா திரும்பியபோது அவர் கைது செய்யப்பட்டுள்ளார்.
லூதியாணாவில் உள்ள நீதிமன்றக் கட்டடத்தில், கடந்த ஆண்டு டிசம்பர் 23ஆம் திகதி இடம்பெற்ற குண்டுவெடிப்பில் ஒருவர் உயிரிழந்ததுடன், ஆறு பேர் காயமடைந்தனர் என்பது குறிப்பிடத்தக்கது.
