பிரபல குங்ஃபூ தற்காப்பு கலை வீரராக அறியப்படும் புரூஸ் லீயின் வாழ்க்கை வரலாறு திரைப்படமாக உருவாக உள்ளதாக தகவல் வெளியாகியுள்ளது.
புரூஸ் லீயின் வாழ்க்கைப் பயணத்தை திரைப்படமாக்கும் முயற்சிகள் நடந்து வருவதாக முன்னர் தகவல்கள் கசிந்திருந்த நிலையில், அது தற்போது உறுதியாகியுள்ளது.
இந்த திரைப்படத்தை ஆஸ்கர் விருது வென்ற ‘லைஃப் ஆஃப் பை’ திரைப்படத்தை இயக்கிய ஆங் லி இயக்கவுள்ளார்.
இந்தப் படத்தில் ஆங் லியின் மகன் மசோன் லீ புரூஸ் லீ கதாபாத்திரத்தில் நடிக்கவுள்ளார். இந்தப் படத்தைத் தயாரிக்க சோனி நிறுவனம் முன்வந்துள்ளது.
இதுகுறித்து இயக்குநர் ஆங் லி கூறுகையில், ‘கிழக்கு மற்றும் மேற்கு நாடுகளில் தற்காப்பு கலையை பிரபலப்படுத்தியவர் புருஸ் லீ. அவரது கடின உழைப்பை நிஜத்தில் கொண்டு வர உள்ளது மகிழ்ச்சியளிக்கிறது’ என கூறினார்.
