தமிழ்நாடு முதலமைச்சர் மு.க.ஸ்டாலின் தலைமையிலான அமைச்சரவையில் 35 ஆவது அமைச்சராக உதயநிதி ஸ்டாலின் பதவியேற்றுக்கொண்டார்.
புதிதாக பதவியேற்றுள்ள உதயநிதி ஸ்டாலினுக்கு இளைஞர் நலன் மற்றும் விளையாட்டுத்துறை அமைச்சு ஒதுக்கப்பட்டுள்ளது.
அமைச்சர் மெய்யநாதனிடம் மேலதிகமாக இருந்த விளையாட்டுத்துறை புதிதாக அமைச்சராக பதவியேற்றுள்ள உதயநிதி ஸ்டாலினுக்கு ஒதுக்கப்பட்டுள்ளது.
தேர்தல் அறிக்கையில் விளையாட்டு தலைநகரமாக தமிழ்நாடு மாற்றப்படும் என தெரிவித்ததை போன்று அதனை நிறைவேற்றும் வகையில் செய்லபடுவேன் என உதயநிதி ஸ்டாலின் கூறினார்.
மேலும் ஒவ்வொரு தொகுதிக்கும் மினி மைதானம் என்ற வாக்குறுதியை நிறைவேற்ற நடவடிக்கை எடுப்பேன் என்றும் உதயநிதி ஸ்டாலின் உறுதியளித்தார்.
இதேவேளை சினிமாவில் மாரிசெல்வராஜ் இயக்கும் மாமன்னன் திரைப்படமே கடைசி படம் என்றும் அமைச்சராக பொறுப்பேற்றதால் கமல்ஹாசன் தயாரிக்கும் படத்தில் நடிக்க முடியாத சூழல் உள்ளது என்றும் அவர் கூறினார்.
