ஐயப்ப சுவாமியின் ஜோதி பூஜை நிகழ்வு நேற்று (சனிக்கிழமை) கொட்டகலை சீ.எல்.எப். வளாகத்தில் நடைபெற்றது.
குறித்த நிகழ்வு இலங்கை தொழிலாளர் காங்கிரஸின் பொது செயலாளரும், நுவரெலியா மாவட்ட பாராளுமன்ற உறுப்பினருமான ஜீவன் தொண்டமானின் ஏற்பாட்டில் நடைபெற்றது.
மார்கழி மாதம் 02ம் நாளை முன்னிட்டு இந்த பூஜை நிகழ்வுகள் இடம்பெற்றதோடு படிப்பூஜையும் இடம்பெற்றது.
இந்த பூஜை வழிபாட்டிற்கு இலங்கையில் பல பாகங்களிலும் உள்ள ஐயப்ப சுவாமிக்கு மாலை அணிந்த அனைத்து குரு சுவாமிகள் உட்பட சுவாமிமார்களும் கலந்து கொண்டுடிருந்தனர்.
மேலும் நிகழ்வை சிறப்பிக்க தென்னிந்தியாவின் பிரபல பக்தி பாடகர் அபிஷேக் வீரமணி ராஜூவின் இசைக்கச்சேரியும் இடம்பெற்றமையும் குறிப்பிடதக்கது.
