மாவட்ட பிரதி தேர்தல் ஆணையாளர்கள் மற்றும் உதவி தேர்தல் ஆணையாளர்கள் இன்று (வெள்ளிக்கிழமை) கொழும்பிற்கு அழைக்கப்பட்டுள்ளனர்.
விசேட கலந்துரையாடலொன்றுக்காக இவர்கள் அழைக்கப்பட்டுள்ளதாக தேர்தல்கள் ஆணைக்குழுவின் தலைவர் சட்டத்தரணி நிமல் புஞ்சிஹேவா தெரிவித்துள்ளார்.
இதனிடையே, மாவட்ட செயலாளர்களுடன் தேர்தல் ஆணைக்குழு நேற்று ஆலோசனை நடத்தியது.
மார்ச் 20ஆம் திகதிக்கு முன்னர் நடைபெறவுள்ள உள்ளுராட்சி மன்றத் தேர்தல் தொடர்பான அடிப்படை செயற்பாடுகள் தொடர்பில் தேர்தல் அதிகாரிகள் என்ற வகையில் மாவட்ட செயலாளர்களுடன் கலந்துரையாடல் இடம்பெற்றதாக தேர்தல்கள் ஆணைக்குழுவின் தலைவர் சட்டத்தரணி நிமல் புஞ்சிஹேவா தெரிவித்துள்ளார்.
