ஜம்மு காஷ்மீரில் விளையாட்டு வீரர்களிடமிருந்து தற்காப்புக் கலைகளுக்கு அமோக வரவேற்பு கிடைத்து வரும் இந்த நேரத்தில், அதன் பயிற்சியாளர்கள் அவர்களை மேலும் மேம்படுத்துவதற்கான முயற்சிகளை தொடர்ந்து மேற்கொண்டு வருகின்றனர்.
தெற்கு காஷ்மீரில், இளைஞர்கள் மற்றும் பெண்கள் அதிக எண்ணிக்கையில் தற்காப்புக் கலைகளில் ஈடுபடத் தொடங்கியுள்ளனர்.
மேலும் பல்வேறு மாவட்ட, மற்றும் தேசிய அளவிலான போட்டிகளில் அவர்கள் முன்னிலை பெற்று வருகின்றனர்.
புல்வாமா மாவட்டத்தில் உள்ள ட்ராலில், இளைஞர்கள் மற்றும் பெண்கள் இப்போது வெவ்வேறு பயிற்சி நிறுவனங்கள் மற்றும் கழகங்களில் தற்காப்புக் கலைகளில் பயிற்சி பெறுகிறார்கள், மேலும் அவர்கள் தொழில்முறை வீரர்களாக மாறுவதற்கும் அதிகளவில் கவனம் கொண்டுள்ளனர்.
லுரோவ் ஜாகிர் கிராமத்தில் வசிக்கும் ஃபெரோஸ் அஹ்மத் பட், தேசிய அளவிலான தற்காப்புக் கலை வீரர் ஆவார்,
அவர் ‘லீனிவ் தற்காப்புக் கலை’ என்ற தலைப்பில் ஸ்கே தற்காப்புக் கலை கூடத்தினை நடத்தி வருகிறார். நூற்றுக்கணக்கான சிறுவர், சிறுமிகளுக்கு, குறிப்பாக தொலைதூர கிராமங்களில் உள்ளவர்களுக்கு பயிற்சியளித்து வருகிறார்.
இவரது அகாடமியைச் சேர்ந்த வீரர்கள் பல்வேறு மாநில மற்றும் தேசிய அளவிலான போட்டிகளில் தடம்பதித்து வருகின்றனர்.
கடந்த ஆண்டு டிசம்பரில், ‘லீனிவ் தற்காப்புக் கலை’யைச் சேர்ந்த ஏழு வீரர்கள் வெவ்வேறு வயதுப் பிரிவுகளின் கீழ் தங்கப் பதக்கங்களை வென்றனர், மேலும் தேசிய அளவிலான போட்டிகளுக்கும் தேர்ந்தெடுக்கப்பட்டனர்.
இதேபோல், சில நாட்களுக்கு முன்பு ஜம்முவில் நடைபெற்ற தேசிய ஸ்கே சாம்பியன்ஷிப்பிற்கு அவரது கூடத்திலிருந்து வீரர்கள் தேர்வு செய்யப்பட்டனர்.
2017ஆம் ஆண்டு தொடக்கத்தில் ஆறு பயிற்சியாளர்களுடன் மட்டுமே அகாடமியைத் தொடங்கினேன், அதைத் தொடர்ந்து அவர் கடினமாக உழைத்துள்ளேன் என்று ஃபெரோஸ் கூறினார்.
அவரது பயிற்சிக் கூடத்தில் பயிற்சி பெற்றவர்கள், தங்கள் உடற்தகுதியைப் பேணுவதற்கும், உடற்தகுதி மற்றும் ஆரோக்கியமாக இருப்பதற்கும் விளையாட்டு முக்கிய பங்கு வகிக்கிறது என்று கூறினார்.
