இலங்கையின் நீண்டகால நண்பராக இருந்து பல்வேறு உதவிகளை வழங்கி வரும் இந்தியாவிடமிருந்து இலங்கைக்கு சரியான நேரத்தில் கிடைக்கும் ஆதரவு எப்போதும் பாராட்டப்பட வேண்டியது என இராஜாங்க அமைச்சர் ஷெஹான் சேமசிங்க தெரிவித்துள்ளார்.
கொழும்பில் நேற்று (வியாழக்கிழமை) இடம்பெற்ற இந்தியாவுக்கும், இலங்கைக்கும் இடையிலான பொருளாதார பரிவர்த்தனைகளுக்கான தேசிய நாணயங்களின் பயன்பாடு, வலுவான இருதரப்பு பொருளாதார கூட்டு மற்றும் பகிர்ந்த செழுமையை நோக்கிய கலந்துரையாடலில் கலந்துக்கொண்டு கருத்து தெரிவிக்கையிலேயே அவர் இதனைத் தெரிவித்தார்.
இந்த கலந்துரையாடலின் போது, பொருளாதாரத்தை ஸ்திரப்படுத்த பல கடினமான தீர்மானங்களை எடுக்கும் அதேவேளை, பொருளாதாரத்தில் மாற்றங்களை ஏற்படுத்தும் நிலைமையை இலங்கை எவ்வாறு முன்னெடுக்கப்போகின்றது என்பதை இராஜாங்க அமைச்சர் விளக்கினார்.
