ஆப்கானிஸ்தான் அணிக்கு எதிரான 3 ஆவதும் இறுதியமான போட்டியில் 9 விக்கெட்களால் வெற்றி பெற்று இலங்கை அணி தொடரை 2-1 என கைப்பற்றியுள்ளது.
ஹம்பாந்தோட்டையில் இன்று நடைபெற்ற போட்டியில் நாணய சுழற்சியில் வெற்றிபெற்று அப்கானிஸ்தான் அணி முதலில் துடுப்பெடுத்தாடியது.
இலங்கை அணியின் பந்துவீச்சை எதிர்கொள்ள முடியாமல் 22.2 ஓவர்களில் அனைத்து விக்கெட்களையும் இழந்து 116 ஓட்டங்களை மாத்திரமே பெற்றுக்கொண்டது.
அவ்வணி சார்பாக மொஹமட் நபி 23 ஓட்டங்களையும் இப்ராஹிம் சத்ரான் 22 ஓட்டங்களையும் பெற்றுக்கொடுக்க இலங்கை அணி சார்பாக பந்துவீச்சில் சமீர 4 விக்கெட்களையும் பணிந்து ஹசரங்க 3 விக்கெட்களையும் வீழ்த்தினர்.
இதனை தொடர்ந்து 117 என்ற வெற்றி இலக்கை நோக்கி துடுப்பெடுத்தாடிய இலங்கை அணி 16 ஓவர்களில் ஒரு விக்கெட்டை மாத்திரமே இழந்து வெற்றி பெற்றது. அவ்வணி சார்பாக திமுத் கருணாரத்ன ஆட்டமிழக்காது 56 ஓட்டங்களை பெற்றுக்கொடுக்க பத்தும் நிசங்க 51 ஓட்டங்களை பெற்றுக்கொடுத்தார்.
இந்த வெற்றியின் மூலம் 3 போட்டிகள் கொண்ட ஒருநாள் தொடரை இலங்கை அணி 2- 1 என்ற அடிப்படையில் கைப்பற்றியுள்ளது.
