இலங்கை – இங்கிலாந்து அணிகளுக்குமிடையிலான இரண்டாவது ஒரு நாள் போட்டி

இலங்கை கிரிக்கெட் அணியின் சகலதுறை வீரரான வனிந்து ஹசரங்க, உபாதை காரணமாக அணியிலிருந்து விலகி நாடு திரும்பவுள்ளார்.

வைத்திய பரிசோதனைகள் மற்றும் சிகிச்சைகளுக்காக தற்போது இங்கிலாந்தில் நடைபெற்று வரும் தொடரிலிருந்து இடைநடுவே விலகி அவர் இவ்வாறு நாடு திரும்பவுள்ளதாக தெரிவிக்கப்படுகிறது.

இங்கிலாந்துக்கு சுற்றுப்பயணம் மேற்கொண்டு விளையாடி வருகின்ற இலங்கை அணி 3 போட்டிகள் கொண்ட டி20 தொடரை 3-0 என இழந்திருந்த நிலையில் தற்போது 3 போட்டிகளை கொண்ட ஒருநாள் தொடரில் விளையாடி வருகின்றது.

இரு அணிகளுக்குமிடையிலான இரண்டாவது ஒரு நாள் போட்டி இன்று லீட்ஸில் இலங்கை நேரப்படி மாலை 5 மணிக்கு ஆரம்பமாகவுள்ளது. முதலாவது போட்டியில் இங்கிலாந்து அணியின் சகலதுறை வீரர் வில் ஜக்சின் பந்துவீச்சி மற்றும் துடுப்பாட்டத்தில் சிக்கி இலங்கை அணி முதல் போட்டியில் தோல்வியை தழூவியிருந்தது.

தொடர்ச்சியாக 4 போட்டிகளிலும் தோல்வியை தழுவியுள்ள இலங்கை அணி இன்றைய போட்டியிலாவது வெற்றிப்பெற்று தொடரை தக்கவைக்குமா என்ற கேள்வி எழுந்துள்ளது.

காரணம் இலங்கை அணிக்கு அதிர்ச்சி கொடுக்கும் வண்ணம் சகலதுறை வீரரான வனிந்து ஹசரங்க, உபாதை காரணமாக அணியிலிருந்து இடைநடுவே விலகி நாடு திரும்பவுள்ளார்.

இதனால் இது அணிக்கு மேலும் பின்னடைவாக அமைந்துள்ளது. பல முன்னனி வீpரர்கள் இருந்தும் இங்கிலாந்து மண்ணில் பொறுப்புடன் விளையாடமல் விக்கட்டினை தாரை வார்க்கும் இலங்கை துடுப்பாட்ட வீரர்கள் பொறுப்புடன் விளையாடி இரண்டாவது ஒருநாள் போட்டியை வென்று காட்டுவார்களா என்பதை பொறுத்திருந்துதான் பார்க்க வேண்டும்