திருகோணமலையில் அதிகரித்துள்ள போதைப்பொருள் பாவனைக்கு எதிராக அக்கிராம வாசிகளால் ஆர்ப்பாட்டம் ஒன்று இன்று பட்டனமும் சூழலும் பிரதேச சபை எல்லைக்கு உட்பட்ட வரோதய நகர் பகுதியில் முன்னெடுக்கப்பட்டது.
சட்டவிரோத மது பான தயாரிப்புக்கள் அதிகரித்தமையால் இரவு நேரங்களில் அவற்றினை கொள்வனவு செய்ய வருபவர்களது அச்சுருத்தல் அதிகரித்துள்ளதாகவும் குறித்த பகுதி பாடசாலை மாணவர்கள் மற்றும் கிராமத்தினை சேர்ந்தவர்கள் குற்றம் சாட்டியுள்ளனர்.
மேலும் பாடசாலை மாணவர்கள் பயணிக்கும் சந்தர்ப்பங்களில் பலர் போதைப்பொருள்களை உபயோகித்து விட்டு தகாத வார்த்தைகளால் அச்சுருத்துவதுடன் குறித்த பகுதி கிராமத்தினை சேர்ந்த பெண்கள் மற்றும் சிறுவர்களுக்கு பாதுகாப்பு இல்லை என்றும் இதன்போது அவர்கள் தெரிவித்தனர்.
குற்றவாளிகளை பொலிஸார் கைது செய்கின்ற போதிலும் அவர்களுக்கு குறைந்தபட்ச தண்டனை வழங்கப்படுவதால் குற்றவாளிகள் தொடர்ந்தும் குற்றங்களில் ஈடுபட்டு வருகின்றனர் என்றும் எனவே இவர்களுக்கு எதிதாக கடுமையான சட்ட நடவடிக்கை எடுக்கப்படவேண்டும் என்றும் கேட்டுக்கொண்டனர்.
