2023 ஆம் ஆண்டுக்கான ஒருநாள் உலகக்கிண்ண கிரிக்கெட் தொடருக்கான தகுதி சுற்று தொடரின் குழு பி பிரிவுக்கான போட்டிகள் இன்று நடைபெறவுள்ளன.
அதன்படி இன்று மதியம் சிம்பாவேயில் நடைபெறவுள்ள முதலாவது போட்டியில் இலங்கை மற்றும் அயர்லாந்து அணிகள் பலப்பரீட்சை நடத்தவுள்ளன.
இலங்கை அணி ஏற்கனவே விளையாடிய 2 போட்டிகளிலும் வெற்றிபெற்று 4 புள்ளிகளோடு குழு பி பிரிவில் முதலிடத்தில் உள்ள அதேநேரம் அயர்லாந்து அணி இரண்டு போட்டிகளிலும் தோல்வியை சந்தித்துள்ளது.
இதேநேரம் குழு பி பிரிவில் இரண்டவது மற்றும் மூன்றாவது இடத்தில் தலா 4 புள்ளிகளோடு உள்ள ஸ்காட்லாந்து மற்றும் ஓமான் அணிகளுக்கு இடையிலும் இன்று போட்டி இடம்பெறவுள்ளது.
இதுவரை 2 போட்டிகளில் விளையாடியுள்ள ஸ்காட்லாந்து அணி தோல்வியை சந்திக்கவில்லை என்பதோடு 3 போட்டிகளில் விளையாடிய ஓமான், 2 போட்டிகளில் வெற்றியை பதிவு செய்துள்ளமையும் குறிப்பிடத்தக்கது.
