பிரபல பாடகியொருவர் மர்மமான முறையில் குளியலறையில் இருந்து சடலமாக மீட்கப்பட்டுள்ள சம்பவம் தென் கொரியாவில் பெரும் அதிர்ச்சியையும் சோகத்தையும் ஏற்படுத்தியுள்ளது.
லீ சாங் யூன் என்ற 46 வயதான பாடகியின் சடலமே நேற்று முன்தினம் இவ்வாறு பொலிஸாரினால் கண்டெடுக்கப்பட்டுள்ளது.
சம்பவ தினத்தன்று தென் கொரியாவில் உள்ள கிம்சியோன் கலாச்சாரம் மற்றும் கலை மையத்தின் கிராண்ட் மண்டபத்தில் அவரது நிகழ்ச்சி நடத்துவதற்கு ஒழுங்கு செய்யப்பட்டிருந்த நிலையில், அவர் குளியலறையில் உயிரிழந்துள்ள நிலையில் இருப்பதைக் கண்டு நிகழ்ச்சி ஒருங்கிணைப்பாளர்கள் அதிர்ச்சியடைந்துள்ளனர்.
இதனையடுத்து இது குறித்து அவர்கள் பொலிஸாருக்குத் தகவல் தெரிவித்ததை அடுத்து, அங்கு வந்த பொலிஸார் அவரது உடலை பிரேத பரிசோதனைக்காக அனுப்பி வைத்துள்ளதோடு இது குறித்த மேலதிக விசாரணைகளையும் முன்னெடுத்து வருகின்றனர்.
