சீனாவில் கடந்த ஒரு வாரத்துக்கும் மேலாக தொடர்ந்து கடும் மழை பெய்து வருகிறது. இதனால் பல நகரங்கள் வெள்ளத்தில் மூழ்கியுள்ளது. வீதிகள், பாலங்கள், வீடுகள் என்பன சேதம் அடைந்துள்ளன.
பொதுமக்களின் இயல்பு வாழ்க்கை முற்றிலும் முடங்கி இருக்கிறது. வெள்ளத்தில் சிக்கிய ஆயிரக்கணக்கான பொதுமக்கள் பாதுகாப்பான இடங்களில் தங்க வைக்கப்பட்டு உள்ளனர்.
இந்த நிலையில் ஜியாங் மாவட்டம் ஹாஸ் என்ற பகுதியில் திடீரென நிலச்சரிவு ஏற்பட்டுள்ளது. இதில் வீடுகள் இடிந்து பலர் உயிரோடு மண்ணுக்குள் புதைந்துள்ளனர். மீட்பு படையினர் விரைந்து சென்று இடிபாடுகளை அகற்றும் பணியில் ஈடுபட்டுளய்ளனர்.
இந்த நிலச்சரிவில் சிக்கி உயிர் இழந்த 22 பேரின் உடல்கள் மீட்கப்பட்டு உள்ளன. பலர் இடிபாடுகளுக்குள் சிக்கி இருக்கலாம் என தெரிவித்துள்ள நிலையில் அவர்களை தேடும் பணியில் மீட்பு படையினர் மேற்கொண்டுள்ளனர்.
இதனால் உயிரிழந்தோரின் எண்ணிக்கை மேலும் அதிகரிக்கும் வாய்ப்புள்ளதாக தெரிவிக்கப்பட்டுள்ளது. பல நகரங்களில் மின்சாரம் துண்டிக்கப்பட்டதால் இருளில் மூழ்கி உள்ளதோடு , ஆயிரக்கணக்கான பொதுமக்கள் வீடுகளை இழந்துள்ளனர்.
