சீரற்ற காலநிலையால் பாதிக்கப்பட்ட சுமார் 1,000 குடும்பங்களை சேர்ந்த 3,455 பேர் தற்போது தற்காலிக முகாம்களில் தங்க வைக்கப்பட்டுள்ளதாக அனர்த்த முகாமைத்துவ நிலையம் தெரிவித்துள்ளது.
இதேவேளை, நாடு முழுவதும் அண்மைய நாட்களில் சீரற்ற காலநிலை காரணமாக 15 மாவட்டங்களில் 46,000 இற்கும் அதிகமானோர் பாதிக்கப்பட்டுள்ளனர்.
கடும் மழை மற்றும் பலத்த காற்றினால் 12,722 குடும்பங்களைச் சேர்ந்த 46,060 பேர் பாதிக்கப்பட்டுள்ளதாக அனர்த்த முகாமைத்துவ நிலையம் தெரிவித்துள்ளது.
24,403 பேர் வெள்ளத்தால் பாதிக்கப்பட்டுள்ளதாகவும் வெள்ளத்தினால் மிகவும் மோசமாக பாதிக்கப்பட்ட பகுதியாக மாத்தறை மாவட்டம் பதிவாகியுள்ளதாகவும் அறிவிக்கப்பட்டுள்ளது.
இதேநேரம் மோசமான வானிலை காரணமாக 1,073 வீடுகள் சேதமடைந்துள்ளன என்றும் அனர்த்த முகாமைத்துவ நிலையம் தெரிவித்துள்ளது.
