உலகெங்கிலும் உள்ள பல கோடி விஜய் இரசிகர்களின் எதிர்பார்ப்புக்கு மத்தியில் வெளியாகவுள்ள ‘லியோ’ திரைப்படம் வெளியாகும் நாளான்று, இதுவரை காலமும் ஏக்கத்தில் இருந்த இரசிகர்களுக்கு இரட்டிப்பு மகிழ்ச்சி காத்திருக்கின்றது.

ஆம்! விஜய்யின் திரைப்படம் வெளியாகின்றது என்றாலே இரசிகர்களினால் பல்வேறு வகையில் கொண்டாடட்டங்கள் நிகழும் இந்தக் காலக்கட்டத்தில், ஆரோக்கியமான முயற்சியை கையில் எடுத்துள்ளார் ‘இசை பிரியன்’ எஸ்.பி.

ஒவ்வொரு காலக்கட்டத்திலும் இசை மற்றும் காணொளிகள் மூலம் புதுமையான மற்றும் வித்தியாசமான படைப்புக்களை உருவாக்கும் ‘இசை பிரியன்’ எஸ்.பி., இம்முறை லியோ படத்திலேயே உள்ள அறிமுக குத்துப் பாடலுக்கு நிகராக ஒரு பாடலை உருவாக்கியுள்ளார் என்றால் அது மிகையாகாது.

சிவபானி சர்வலோகநாதனின் தயாரிப்பில் உருவாகியுள்ள ‘ஒன்னு உட்டா’ எனும் ஆரம்பமாகும் இந்தக் குத்துப்பாடல், எதிர்வரும் 19ஆம் திகதி மாலை 6மணிக்கு யூடிப் வலைத்தளத்தில் வெளியாகவுள்ளது.

கடந்த முறை வெளியான ‘வாடி வாடி’ பாடல், இரசிகர்கள் மத்தியில் எவ்வளவு கொண்டாடப்பட்டதோ அதே அளவு இந்தப்பாடலும் கொண்டாட்ட வரிசையில் இணையயும் என்பதில் ஐயமில்லை. குறிப்பாக இந்தப் பாடலிலும் கடந்த வெற்றி கூட்டணி இணைய, இந்தப் பாடல் மீதான எதிர்பார்ப்பு ஒருபடி எகிறியுள்ளது.

இந்தப் பாடலுக்கு எஸ்.பி. வரியமைக்க கம்பீரமான குரலில் ரோய் ஜெக்ஸன் மிரட்டியிருக்கிறார். கண்ணனின் இயக்கம் இந்தப் பாடலை அடுத்தக்கட்டத்திற்கு கொண்டுச் சென்றிருக்கின்றது எனலாம். கூடவே எடிட்டர் பணியையும் செவ்வனே செய்துள்ளார் கண்ணன்.

ஒவ்வொரு படைப்புக்கும் உயிரூட்டம் கொடுப்பதில் வல்லவரான நிரா சாமியின் சிஜி மற்றும் அனிமேஷன் கடந்த பாடலை விட ஒரு பிடி மேலே பேசப்படும் என்பதை மறுப்பதற்கில்லை.

நினைத்துக் கூட பார்க்க முடியாத அளவில் வித்தியாசமான கோணங்களில் படம்பிடிக்கும் ஒளிப்பதிவாளர் நவீன் குட்டியின் உழைப்பும், இந்தப் பாடல் வெளியான பின்னர் நிச்சயம் பேசப்படும்….

விஜய்யின் திரைப்படங்கள் என்றாலே குத்துப் பாட்டுக்கு பஞ்சமிருக்காது என்பது யாவரும் அறிந்த விடயமே என்றாலும், ‘எது பேசப்படுகின்றதோ அதுவே போற்றப்படும்’ என்பதையும் இந்தப்பாட்டு நிரூபிக்கும்…