லக்னோவில் நடைபெறும் 2023 ஆம் ஆண்டு ஒருநாள் உலகக் கிண்ண தொடரின் தீர்க்கமான போட்டியில் இலங்கை அணி அவுஸ்ரேலியாவை எதிர்கொள்கிறது.
இலங்கை அணியும் அவுஸ்ரேலிய அணியும் நடப்பு தொடரில் 2 போட்டிகளில் விளையாடி தோல்வியை சந்தித்துள்ள நிலையில் போட்டியின் முதல் வெற்றியை எதிர்பார்க்கின்றனர்.
இலங்கை அணியின் தலைவர் தசுன் சானக காயம் காரணமாக போட்டியில் இருந்து வெளியேறியதை அடுத்து, குசல் மெண்டிஸ் இன்று இலங்கை அணியின் தலைவராக நியமிக்கப்பட்டுள்ளார்.
இதேநேரம் சானக மற்றும் வேகப்பந்து வீச்சாளர் மதீஷ பத்திரன என இலங்கை அணியில் குறைந்தது இரண்டு மாற்றங்கள் இடம்பெறும் என எதிர்பார்க்கப்படுகிறது.
இலங்கை அணி இதுவரை தென்னாபிரிக்கா மற்றும் பாகிஸ்தானிடம் தோல்வியடைந்துள்ளது, அதே சமயம் அவுஸ்ரேலிய அணி, தென்னாபிரிக்கா மற்றும் இந்திய அணிகளிடம் தோல்வியடைந்தது.
