ராவல்பிண்டியில் நடைபெறும் இலங்கைக்கு எதிரான முதலாவது டெஸ்ட் போட்டியில் பாகிஸ்தான் தனது முதல் இன்னிங்ஸை ஒன்பது விக்கெட் இழப்புக்கு 434 ஓட்டங்கள் எடுத்த நிலையில் முடித்துக்கொள்வதாக (Declare) அறிவித்தது.
இது அந்த அணியின் சிறப்பான துடுப்பாட்ட செயல்பாடாக அமைந்தது.
கிட்டத்தட்ட அனைத்து வீரர்களும் தலா ஒரு முக்கிய பங்களிப்பை வழங்கினர்.
களமிறங்கிய 10 துடுப்பாட்ட வீரர்களில் ஐவர் 50 ஓட்டங்களுக்கு மேல் எடுத்தனர், ஆனால் அவர்களால் யாராலும் சதத்தை எட்ட முடியவில்லை.
அணி சார்பில் சவுத் ஷகீல் 93 ஓட்டங்களை அதிகபடியாக எடுத்தார்.
தாங்கள் எடுத்த இந்த ஓட்ட எண்ணிக்கை குறித்து பாகிஸ்தான் அணி திருப்தியடையும்.
மறுபுறம், இலங்கை அணியும் இந்த முடிவில் மகிழ்ச்சியடைந்திருக்கும்; ஏனெனில், ஒரு கட்டத்தில் பாகிஸ்தான் அணி 500 ஓட்டங்களை எளிதாகக் கடந்துவிடும் என்று தோன்றியது.
பந்து வீச்சில் இலங்கை அணி சார்பில் அஷித பெர்ணான்டோ, டில்சான் மதுஷங்க ஆகியோர் தலா 3 விக்கெட்டுகளை அதிகபடியாக வீழ்த்தினர்.
இலங்கை அணி சற்று நேரத்தில் துடுப்பெடுத்தாடுவதற்கு களமிறங்கவுள்ளது.
