வடகிழக்கு பங்களாதேஷில் இரண்டு ரயில்கள் மோதியதில் 17 பேர் உயிரிழந்துள்ளதுடன்; 100 க்கும் மேற்பட்டோர் காயமடைந்துள்ளனர் என்று பொலிஸார்; தெரிவித்தனர்.
பைரப் நகரில் நடந்த விபத்தில், சரக்கு ரயில் ஒன்று பயணிகள் ரயிலின் மீது பின்புறமாக மோதியதால், இரண்டு பயணிகள் பெட்டிகள் தடம் புரண்டுள்ளதாக தெரிவித்துள்ளனர்.
குறித்த சம்பவத்தில் காயமடைந்த 50 க்கும் மேற்பட்டவர்கள் வெவ்வேறு மருத்துவமனைகளில் அனுமதிக்கப்பட்டு சிகிச்சை பெற்று வருகின்றனர். பலரின் நிலை கவலைக்கிடமாக உள்ள நிலையில் உயிரிழப்புகள் அதிகரிக்ககூடும் என தெரிவிக்கப்பட்டுள்ளது.
