அனைத்து தமிழர்களையும் துண்டு துண்டாக வெட்டிவிடுவேன் என்ற அம்பிட்டிய தேரரின் கருத்து குறித்து சுமந்திரன்

அம்பிட்டிய சுமணரத்ன தேரரால் அண்மையில் வெளியிடப்பட்ட கருத்து தொடர்பாக பொலிஸ்மா அதிபருக்கு நாடாளுமன்ற உறுப்பினர் எம்.ஏ.சுமந்திரன் கடிதம் எழுதியுள்ளார்.

வன்முறை மற்றும் இன, மத வெறுப்புணர்வைத் தூண்டும் அவரது கருத்து தண்டனைக்குரிய குற்றம் என்பதால் ஏன் பொலிசார் நடவடிக்கை எடுக்கவில்லை என கேள்வியெழுப்பியுள்ளார்.

மட்டக்களப்பு மாவட்ட நாடாளுமன்ற உறுப்பினர் சாணக்கியனையும், தென்பகுதியில் வாழும் அனைத்துத் தமிழர்களையும் துண்டு துண்டாக வெட்டிவிடுவேன் என்று வெளிப்படையாக கூறியுள்ளார்.

அவரது இந்த கருத்து 2007 ஆம் ஆண்டின் ஐ.சி.சி.பி.ஆர். சட்டத்தின் 56 ஆம் பிரிவுன் கீழ் தண்டனைக்குரிய குற்றமாகும் என்றும் எம்.ஏ.சுமந்திரன் சுட்டிக்காட்டியுள்ளார்.