தமிழ் சினிமாவில் அசைக்க முடியாத ஒரு இடத்தை பிடித்து சிம்மாசனம் போட்டு அமர்ந்திருக்கும் ஒரேயொரு நடிகை நயன்தாரா.
ஐயா திரைப்படத்தில் அறிமுகமாகி ஜவான் வரை இவருக்காக மட்டுமே திரையரங்குகளுக்கு செல்லும் ஒரு ரசிகர் கூட்டம் இருக்கின்றது. இவரின் மார்க்கெட் குறைந்து விட்டது என ஒரு கூட்டமே ஒரு பக்கம் விமர்சித்து கொண்டிருக்க அவர் அமைதியாக தனி வழியில் தனக்கான ஒரு பாதையை உருவாக்கி 9 ஸ்கின் அலங்கார பொருட்களை தயாரிக்கும் கம்னியை ஆரம்பித்து வெற்றிகரமாக நடாத்தி செல்கின்றார்.
ஜவானின் மாபெரும் வெற்றியை தொடர்ந்து அன்னப்பூரணி திரைப்படத்தில் தனது தனித்துவமான நடிப்பில் ரசிகர்களை கவர தயாராக இருக்கும் நயன். அதிலும் பெண்களின் கனவுகளை எந்த சூழ்நிலையிலும் கைவிட கூடாது என்பதை வெளிக்காட்டும் விதமாக இந்த திரைப்படம் அமைந்துள்ளது.
ஷங்கரிடம் உதவி இயக்குநராக பணியாற்றிய நிலேஷ் கிருஷ்ணா இயக்குநராக அறிமுகமாகும் படம் அன்னபூரணி. இந்த படத்தில் நயன்தாரா, ஜெய், சத்யராஜ் கே.எஸ்.ரவிகுமார், ரெடின் கிங்ஸ்லி, சுரேஷ் சக்கரவர்த்தி, சச்சு, கார்த்திக் குமார் என பலரும் நடித்துள்ளனர் இந்த படத்திற்கு தமன் இசை அமைத்துள்ளார்.
மேலும் இந்த ட்ரைலரில் நாம் கவனிக்க வேண்டிய விஷயம் என்னவென்றால்.. ராஜாராணி திரைப்படத்திற்கு பிறகு நயன்தாரா, ஜெய், சத்யராஜ் மூவரும் மீண்டும் சேர்ந்து நடிக்கும் படம் அன்னபூரணி.
சிறுவயதில் இருந்தே சமையல் மீது ஆர்வம் கொள்ளும் நயன்தாரா எப்படியாவது பெரிய உhநக ஆக வேண்டும் என்ற கனவுடன் வளர்கிறார். மாமிசம் உண்ணாத பக்கா சைவ குடும்பத்தை சேர்ந்த நயன்தாராவின் தந்தையும், தாயும், மாமிசம் சாப்பிடுவதையும் அதை சமைப்பதையுமே பெரிய பாவ செயலாக நினைப்பவர்கள்.
தெருவுல கிரிக்கெட் ஆடுறவங்க எல்லாருமே சச்சின் டெண்டுல்கர் ஆகிற முடியாது, பஸ் கண்டக்டர் எல்லாருமே ரஜினி ஆகிட முடியாது என்று நயன்தராவின் கனவுக்கு முட்டுக்கட்டை போடுகின்றனர். ‘புடிச்சத பண்ணா லட்சத்துல ஒருத்தர் இல்ல லட்ச பேருமே சூப்பர் ஸ்டார் ஆகலாம்’ என்று தன்னம்பிக்கையை கைவிடாமல் இருக்கிறார் நயன்தாரா. MBA படிப்பதாக வீட்டில் பொய் சொல்லி கேட்டரிங் படிக்கும் பெண்ணாக நடிக்கிறார் நயன்தாரா.
படத்தில் நயன்தாராவின் சக மாணவராக நடிக்கும் ஜெய் ‘மாமிசம் சாப்பிடுறது தப்புனு எந்த கடவுளும் சொல்லல’ என்று நயன்தரவுக்கு ஊன்றுகோலாய் இருக்கிறார். ‘நான் வெஜ் சாப்பிட்டால் தப்பில்லையா என கேட்கும் நயன்தாரா தனது கனவை அடையப்போராடும் சராசரி பெண்ணுக்கு ஏற்படும் எதிர்பாராத திருப்பங்கள், இன்னல்கள் என தடைகள் அனைத்தையும் கடந்து மாபெரும் செஃப் போட்டியில் கலந்து கொண்டு தனது கனவை கைப்பற்றுகிறாரா நயன்தாரா என்ற கதைக்களத்தை சொல்கிறது இந்த ட்ரைலர்.
