லோகேஷ் இயக்கத்தில் வெளியான விஜய்யின் லியோ திரைப்படத்தின் மாபெரும் வெற்றியை தொடர்ந்து விஜய் – 68 இன் அறிவிப்பு வெளியாகி ரசிகர்கள் மத்தியில் உற்சாகத்தை ஏற்படுத்தியுள்ளது.
விஜயதசமியை முன்னிட்டு பட குழுவினர் மற்றும் நடிகர்கள் குறித்த அறிவிப்பை தயாரிப்பு நிறுவனம் அதிகாரப்பூர்வமாக அறிவித்தது. ஏ.ஜி.எஸ் நிறுவனம் தயாரிக்கும் அந்த படத்தில் நடிகர் விஜய் உடன் மீனாட்சி சவுத்ரி, பிரசாந்த், பிரபுதேவா, ஜெயராம், மோகன் யோகி பாபு, பிரேம்ஜி, சினேகா உள்ளிட்ட பலரும் நடிக்கின்றனர். அதேபோல் வெங்கட் பிரபுவின் நண்பர்களான வைபவ், அரவிந்த் உள்ளிடவர்களும் நடிக்கின்றனர்.
வில்லு , போக்கிரி போன்ற விஜய்யின் ஹிட்டான திரைப்படங்களை இயக்கிய பிரபுதேவா இந்த படத்தில் முக்கிய கதாபாத்திரத்தில் நடிக்கவுள்ளதாக அறிவிக்கப்பட்டுள்ளது.
இவர்களோடு லவ் டுடே திரைப்படத்தின் ஹீரோயின் இவானா தளபதி – 68 இல் விஜய்க்கு தங்கையாக நடிக்கவுள்ளதாக திரை வட்டாரங்கள் தெரிவித்துள்ளன.
