இலங்கைக்கு சுற்றுப் பயணம் மேற்கொண்டுள்ள ஆப்கானிஸ்தான் அணிக்கும் இலங்கை அணிக்கும் இடையிலான 3 போட்டிகளைக் கொண்ட ஒரு நாள் கிரிக்கெட் போட்டித் தொடரில் 2 ஆவது போட்டி இன்று நடைபெறவுள்ளது.
அதன்படி, கண்டி – பல்லேகலை மைதானத்தில் நடைபெறவுள்ள இப்போட்டி பிற்பகல் 2.30 க்கு ஆரம்பமாகவுள்ளது.
கடந்த 9 ஆம் திகதி இவ்விரு அணிகளுக்கும் இடையில் நடைபெற்ற முதலாவது ஒரு நாள் கிரிக்கெட் போட்டியில் இலங்கை அணி 42 ஓட்டங்களால் வெற்றி பெற்றிருந்தது.
இந்நிலையில், குசல் மெண்டிஸ் தலைமையிலான இலங்கை அணியும், ஹஸ்மதுல்லஹ் சஹிதீ தலைமையிலான ஆப்கானிஸ்தான் அணியும் இன்றைய 2 ஆவது ஒரு நாள் கிரிக்கெட் போட்டியில் வெற்றி பெற வேண்டும் என்ற முனைப்புடன் களமிறங்கவுள்ளன.
இதற்கிடையில், காயம் காரணமாக இலங்கை அணியின் துஷ்மந்த சமிர ஆப்கானிஸ்தான் அணியுடனான ஒருநாள் தொடரில் இருந்து விலகியுள்ளதாகவும், அவருக்கு பதிலாக அசித பெர்னாண்டோ அணியில் இணைத்துக்கொள்ளப்பட்டு உள்ளதாகவும் தகவல்கள் தெரிவிக்கின்றன.
