புதிய சட்டத்திருத்தத்தின் மூலம் கடந்த ஒக்டோபர் மாதம் உயர்த்தப்பட்ட மின் கட்டண சதவீதத்தை முழுமையாக நீக்குவதற்கு தீர்மானித்துள்ளதாக மின்சாரம் மற்றும் எரிசக்தி அமைச்சர் கஞ்சன விஜேசேகர இன்று நாடாளுமன்றத்தில் தெரிவித்துள்ளார்.
இது தொடர்பான யோசனையை மின்சார சபையானது நாளை பொதுப் பயன்பாடுகள் ஆணைக்குழுவிடம் வழங்கவுள்ளதாகவும் அமைச்சர் மேலும் தெரிவித்தார்.
அதன்படி, உள்நாட்டு மற்றும் மத வழிபாட்டு தலங்கள் என்ற வகையில் ஒக்டோபர் மாதம் உயர்த்தப்பட்ட 18 சதவீத கட்டண உயர்வு இங்கு முழுமையாக குறைக்கப்படுவதாக அமைச்சர் குறிப்பிட்டுள்ளார்.
சுற்றுலாத்துறையில் 12 சதவீத மின் கட்டண உயர்வை ஒக்டோபர் மாதத்தில் முழுமையாக நீக்கவும் முடிவு செய்யப்பட்டுள்ளது.
மேலும், அரச நிறுவனங்களின் மின்கட்டணம் ஒக்டோபர் மாதத்தில் 24 வீதத்தால் அதிகரிக்கப்பட்டதுடன், புதிய திருத்தத்தின் பிரகாரம் அத்தொகையும் குறைக்கப்படவுள்ளதாக அமைச்சர் தெரிவித்துள்ளார்.
