இந்தியாவில் ஏப்ரல் மாதம் 19ஆம் திகதி நாடாளுமன்றத் தேர்தல் நடைபெறவுள்ள நிலையில் வேறு கட்சிகளில் இருந்து இதுவரை 80,000 பேர் பா.ஜ.க வில் இணைந்துள்ளனர் எனத் தெரிவிக்கப்பட்டுள்ளது.
தேர்தலுக்கு முன்னர் பிற கட்சிகளில் இருந்து தலைவர்கள், தொண்டர்கள் என 1 லட்சம் பேரை கட்சியில் சேர்க்க வேண்டும் என்ற நோக்கத்துடன் பா. ஜ. க செயற்பட்டு வருவதாகத் தெரிவிக்கப்பட்டுள்ளது.
அந்தவகையில் முன்னாள் மராட்டிய முதலமைச்சர் அசாக் சவான், முன்னாள் ஆந்திர பிரதேச முதலமைச்சர் கிரண் குமார் ரெட்டி ஆகியோர் பா.ஜ.க வில் இணைந்துள்ளனர்.
அத்துடன் காங்கிரசை சேர்ந்த ரவ்நீத் சிங் பிட்டு, அகில இந்திய திரிணாமுல் காங்கிரசை சேர்ந்த அர்ஜுன் சிங், ஒய்.எஸ்.ஆர். காங்கிரசை சேர்ந்த வரபிரசாத ராவ் மற்றும் ஆம் ஆத்மியை சேர்ந்த சுஷில் குமார் ரிங்கு உள்ளிட்டோரும் பா.ஜ.க வில் இணைந்துள்ளமை குறிப்பிடத்தக்கது.
