சிறந்த வலி நிவாரணி என்றால் அது யுவனின் இசை என இளைஞர்கள் மனதில் இடம் பிடித்திருந்தார்.
பழைய யுவன் வேண்டும் என இயக்குனர் பிரதீப் குமார் லவ் டுடே படத்தில் கேட்டிருப்பார். ஆனாலும் அதில் பழைய யுவனின் ஸ்டைல் இல்லை என கூறப்பட்டு வந்திருந்தது.
தற்போது வெங்கட்பிரபு இயக்கத்தில் கோட் திரைப்படத்திற்கு இசையமைத்து வருகிறார் . சித்திரை புத்தாண்டை முன்னிட்டு விஜய் பாடிய விசில் போடு பாடலை படக்குழுவினர் வெளியிட்டிருந்தனர்.
அதில் விஜய்யின் அரசியல் வருகைக்கு ஏற்ற வகையில் பாடல் வரிகளை விவேக் எழுதியிருந்தார். பாடல் வெளியாகி அரபிக்குத்து பாடலின் சாதனையை முறியடித்திருந்தாலும் பாடல் எங்களுக்கு பிடிக்கவில்லை , யுவனின் இசை இப்படி இருக்காது, இது யுவனின் சதி என பலர் பல கருத்துக்களை பகிர்ந்து வருகின்றனர்.
நேற்றைய தினம் யுவனின் இன்ஸ்டா பக்கம் எங்கே என ரசிகர்கள் தேடி கொண்டிருந்தனர். யுவன் பயந்து இன்ஸ்டாவை விட்டு விலகிவிட்டார் என ஒரு பக்கம் கதை கட்ட ஆரம்பித்திருந்தனர்.
தற்போது , அந்த வதந்திக்கு யுவனே ஒரு முற்றுப்புள்ளியை வைத்துள்ளார். தொழில்நுட்ப கோளாறு காரணமாக தனது இன்ஸ்டா பக்கம் முடங்கியுள்ளதாகவும் அதனை சரி செய்யும் பணியில் தற்போது அவரின் குழுவினர் ஈடுபட்;டுள்ளதாகவும் , வெகு விரைவில் மீண்டும் வருவேன் எனவும் தனது எக்ஸ் தளத்தில் பதிவொன்றை இட்டு தெரிவித்துள்ளார்.
